საქართველოს დომინოს ფედერაცია. WWW.GDF.GE

თბილისი 2026-2027 წელი

საქართველოს I ეროვნული ჩემპიონატი დომინოში, ინდივიდუალური და წყვილთა კატეგორია

დებულება

მიზანი და ამოცანები

• გამარჯვებული ინდივიდის და წყვილის გამოვლენა.
• შეჯიბრებებში ფართო მასების ჩართვა და საქართველოს მოსახლეთა მოტივაცია
• ჩემპიონატის ტრადიციად დამკვიდრება.
• მონაწილეთა შორის კეთილგანწყობილი ურთიერთობების ჩამოყალიბება.
• საქართველოში სამაგიდო ინტელექტუარული სპორტის სახეობა - დომინოს პოპულარიზაცია.

პირველობის ჩატარების ხელმძღვანელობა

ტურნირის ორგანიზატორია, საქართველოს დომინოს ფედერაცია.

პირველობის ჩატარების პირობები, განაცხადი, მონაწილეთა რეგისტრაცია, ჩატარების დრო და ადგილი

• მონაწილე პირი ირჩევს რეგიონის მიხედვით ქალაქს, თბილისის შემთხვევაში რაიონს და დარეგისტრირდება საქართველოს დომინოს ფედერაციის ოფიციალურ საიტზე GDF.GE. რის შემდეგაც მას მიენიჭება რეგისტრაციის ნომერი და მიუვა სმს შეტყობინება. მინიჭებული ნომრით იგი ხდება პირველობის მონაწილე ინდივიდუალურ კატეგორიაში.
• წყვილთა კატეგორიაში მონაწილეობის სურვილის შემთხვევაში მოთამაშეები დარეგისტრირდებიან ადგილზე იგივე ქალაქში დარეგისტრირებულ მოთამაშესთან ერთად.
• ერთ მოთამაშეს უფლება არა აქვს სხვა რეგიონში ( ქალაქში) მეორედ დარეგისტრირების.
• ჩემპიონატი ჩატარდება ორ ეტაპად: შესარჩევი და ფინალური ეტაპი. შესარჩევი ეტაპები ჩატარდება საქართველოს სხვადასხვა ქალაქებში 2027 წლის (მარტი-ივლისი), ჩატარების ზუსტი თარიღი მონაწილეებს ეცნობებათ შეჯიბრების დაწყებამდე 10 დღით ადრე სმს შეტყობინებით. ფინალური ეტაპი ჩატარდება ქ, თბილისში მუშტაიდის პარკში 2027 წლის სექტემბრის თვეში . ფინალური ეტაპის მონაწილეებს პირველობის ადგილი და ზუსტი თარიღი ეცნობებათ დამატებით.
• მონაწილის ასაკი განისაზღვრება 18 წლის ზემოთ საქართველოში მაცხოვრებელი ნებისმიერი მოქალაქე.

ჩატარების სისტემა, პირობები, დაჯილდოვება .

• შესარჩევ ეტაპზე მონაწილე მოთამაშეები და წყვილები დაწყვილდებიან, მინიჭებული ნომრით კენჭისყრის შემდეგ.
• შეჯიბრი ჩატარდება 355 ქულამდე ოლიმპიური სისტემით 2 მოგებამდე. მშრალი ანგარიშის წესი არ მოქმედებს, თითო მოგების შემთხვევაში გამარჯვებული წყვილი გამოვლინდება დამატებითი პარტიის მეშვეობით.
• ნახევარფინალში გამარჯვებული მოთამაშეები და წყვილები ითამაშებენ ფინალს. დამარცხებულ გუნდებს მიენიჭებათ საპატიო მესამე ადგილები და დაჯილდოვდებიან ბრინჯაოს მედლებით.
• ფინალში გამარჯვებული წყვილი და ინდივიდი დაჯილდოვდება თასით და მედლებით, დამარცხებული დაჯილდოვდება მედლებით და ფინალური ეტაპის საგზურით.
• რეგიონებში გამოვლენილი ფინალისტები, 2 მოთამაშე და 2 წყვილი მოიპოვებს ფინალური ეტაპის საგზურს.

მსაჯობა და სადისციპლინო სანქციები

• პირველობას მოემსახურება საქართველოს დომინოს ფედერაციიდან მივლინებული მსაჯები, რომლებიც მეთვალყურეობას გაუწევენ თითოეულ მატჩს.
• სათამაშო მაგიდასთან დაშვებულია მხოლოდ მონაწილეები და მსაჯები. გარეშე პირთა ყოფნა სათამაშო სივრცეში სასტიკად აკრძალულია.
• თამაშები ჩატარდება ფეირ ფლეის ( სამართლიანი თამაშის ) პრინციპით. რომელიც დამყარებულია მოწინააღმდეგის, მსაჯის და დომინოს თამაშის პატივისცემაზე. სათამაშო დისციპლინა მკაცრად უნდა იყოს დაცული მოთამაშეების მიერ.
• სათამაშო დისციპლინის დარღვევის შემთხვევაში მონაწილე მიიღებს გაფრთხილებას, ყვითელ ბარათს. გამეორების შემთხვევაში წითელ ბარათს და მიენიჭება წაგება. შავი ბარათის შემთხვევაში წყვილი მოიხსნება გათამაშებიდან.

ფინალური ეტაპის გათამაშების პირობები

შესარჩევი ეტაპის გამარჯვებულები და ფინალისტები იასპარეზებენ სექტემბრის თვეში, თბილისში მუშტაიდის პარკში, ზუსტი თარიღი ეცნობებათ 10-12 დღით ადრე, რის შემდეგ საწევრო გადასახდელი თანხა 100 ლარი წყვილის კაპიტანმა და ფინალურ ეტაპზე გასული ინდივიდუალურ კატეგორიაში მონაწილე მოთამაშემ 50 ლარი უნდა ჩარიცხოს საქართველოს დომინოს ფედერაციის ანგარიშზე გათამაშების დაწყებამდე არაუგვიანეს 10 დღით ადრე, რის შემდეგაც წყვილი და ინდივიდი დაიშვება ფინალურ ეტაპზე.

• ფინალურ ეტაპში გადასულებმა თან უნდა იქონიოს პირადობის დამადასტურებელი საბუთი ან პასპორტი, მონაწილე წყვილს უფლება აქვს თადარიგში ყავდეს საიტზე დარეგისტრირებული ერთი მოთამაშე.
• ფინალური ეტაპის გამაჯვებული წყვილი დაჯილდოვდება თასით, მედლებით, დიპლომებით და ფულადი ჯილდოთი
• პრიზიორები დაჯილდოვდებიან მედლებით, დიპლომებით და ფულადი ჯილდოთი.
• საქართველოს ჩემპიონატის საპრიზო ფონდი შეადგენს 50000 (ორმოცდაათიათას) ლარს.

გისურვებთ წარმატებას !

საქართველოს ფედერაციის წევრები